قصيدة شبة الضو

السلام عليكم هذي أول مشاركة لي فسم الشعر

وهي قصيدة بعنوان شبة الضو:

هب الهوا وتهيضت فيني أفكار
في حزة المغرب مع شبة الضو

ياما حلا الصفرا على صالي النار
والليل ساري والفكر هاطله نو

ودلالي بهار ِ ٍ بها ماهو بهار
قم ياسعد عدل لنا كيفنا سو

وانحى فوادي يمتثل زين الاشعار
لعيون من بحضورها تاكل الجو

مع رمشها بيحت مابي من اسرار
وشفاه جمر بصافي الريق تحلو

لامن بدت فزوا لها كبار وصغار
وان كان خبوا الغيرة اعجاب ٍ أبدوا

ولامن بدت لي نخ ماكان صبار
عيني مع لساني في الحال والتو

ريمية ٍ تلفح على الوجه بخمار
واليا لفحت راحوا عيوني ولا جو

قلت اشهد ان الموت والقبر والنار
حق وخطاوي رجلي تضيع في الدو

الجفن كسلان ٍ على الموق ستار
لو فز .. قلبي فز .. لكن متى ؟ ..لو

ماني بمحتار ٍ ليا جيت باختار
بين الحبيب وبين غيره ترا هو

الشاعر / فهد الكناني